عثمان بیٹھا نہیں تھا۔ سر نے اس سے پوچھا کیا ہوا؟ بیٹھے کیوں نہیں؟ سر جگہ نہیں ہے۔ (دراصل کئی سکولوں میں تو جگہ بہت زیادہ تھی اور کئی سکولوں میں بچے زیادہ اور جگہ کم تھی۔ ہماری کلاس میں بھی بچے ساٹھ تھے اور بیٹھنے کی جگہ صرف اکاون بچوں کی تھی) سر نے فوراً اپنی کرسی کی طرف اشارہ کر کے کہا آو یہ لے جاوٗ
یہ ہمارا بائیولوجی کو برا بھلا کہنے کا آخری اور ہر قسم کے علم سے محبت کا پہلا دن تھا۔
اب ہم سر سے صرف سوال نہیں اپنے جوابات بھی پوچھنے جاتے تھے۔ وہ ہمارے جوابات کو زیر بحث لاتے اور یوں معلوم ہوتا جیسے کہ وہ ہم سے سیکھ رہے ہیں۔ دراصل وہ ہمیں ہی سکھا رہے تھے۔ کہ سوال کیسے کرتے ہیں سوچتے کیسے ہیں؟
ہمارے ملک میں چونکہ شرحِ تعلیم کم ہے جس کی وجہ سے عوام کی بڑی اکثریت ان اصولوں اور قواعد اور ان اخلاقی پہلوؤں سے نا واقف ہے جو کسی مفید اور نتیجہ خیز بحث کے لیے ضروری ہیں۔